Policia në Tetovë ka ndaluar një 18-vjeçar nga fshati Pallaticë, i dyshuar për dërgimin e emaileve të rreme me kërcënime për bomba në disa shkolla të qytetit, përfshirë Gjimnazin “Kiril Pejçinoviq”. Hetimet dhe bastisjet në shtëpinë e tij kanë çuar në sekuestrimin e pajisjeve elektronike si celularë dhe kompjuterë. I riu, nxënës i vitit të katërt në këtë gjimnaz dhe djali i një ish-funksionari opozitar, ka pranuar dërgimin e këtyre mesazheve, ndërsa MPB-ja konfirmon se kërcënimet ishin të rreme. Pas dokumentimit të plotë të rastit, ndaj tij do të ngrihen akuza përkatëse, ndërsa drejtori i shkollës ka bashkëpunuar me policinë gjatë hetimeve.