Njësitë speciale policore në Leposaviç arrestuan një 23-vjeçar, Rion Begiqin, pasi gjatë një kontrolli në fshatin Koshutovë iu gjet një pistoletë me katër fishekë në brez, për të cilën nuk kishte leje. Pas zbulimit të armës, ai u ndalua menjëherë dhe arma u sekuestrua si provë materiale. Pas intervistimit në prani të avokatit mbrojtës, me urdhër të Prokurorit të Shtetit, Begiqi u dërgua në mbajtje për 48 orë. Rasti po hetohet për posedim të paautorizuar të armëve, ndërsa personi konsiderohet i pafajshëm deri në vendim të formës së prerë nga gjykata.