Në orët e para të mëngjesit, sigurimi i diskotekës “Zone” në Prishtinë ka sinjalizuar Policinë për një person të dyshuar me armë të gjatë, duke shkaktuar një reagim të shpejtë të njësive policore. Në parkingun pranë lokalit, Policia ka arrestuar Xhemajl Beqirin, 34 vjeç, ku gjatë kontrollit janë gjetur një kallashnikov, një karikator dhe 13 fishekë. I dyshuari është intervistuar në prani të avokatit mbrojtës, por ka zgjedhur të mos japë deklaratë, duke përdorur të drejtën për mbrojtje në heshtje. Me urdhër të Prokurorit, ndaj tij është iniciuar procedura penale për mbajtje të paautorizuar të armëve, dhe ai është dërguar në ndalim për 48 orë, ndërkohë që hetimet për zbardhjen e plotë të ngjarjes vazhdojnë.