Policia në Prishtinë ka identifikuar dhe arrestuar një burrë rreth 50 vjeç, të dyshuar për sulmin seksual ndaj një 22-vjeçari që ndodhi më 27 gusht në rrugën “Hys Popova”. Viktima deklaroi se gjatë ecjes së përbashkët me të dyshuarin, ky i fundit tentoi ta çonte drejt një zone më të errët dhe më pas e preku në organin gjenital. Pas denoncimit, hetimet e policisë dhe urdhri i Prokurorit të Shtetit çuan në arrestimin e Avni Mavriqit, i cili është ndaluar për 48 orë. Rasti po trajtohet si sulm seksual dhe hetimet për zbardhjen e plotë të ngjarjes vazhdojnë.