Policia Kufitare në Kapshticë ka arrestuar një 54-vjeçar, banues në Korçë, i cili dyshohet se ka kontrabanduar nga Greqia një sasi medikamentesh të ndryshme mjekësore dhe veshje pa dokumentacionin përkatës. Gjatë kontrollit në vijën e dytë të kalimit kufitar, në automjetin që drejtonte shtetasi A.I. u gjetën mallrat e kontrabanduara, të cilat u sekuestruan së bashku me automjetin. Arrestimi u bë në flagrancë për veprën penale “Kontrabanda me mallra të licencuara”, ndërsa materialet procedurale iu referuan Prokurorisë së Korçës për veprime të mëtejshme. Policia Kufitare vijon të intensifikojë kontrollet për parandalimin dhe goditjen e paligjshmërive në kufi.