Policia malazeze ka arrestuar Aco Gjukanoviqin, vëllain e ish-presidentit Milo Gjukanoviq, pas një aksioni të zhvilluar në mëngjesin e sotëm. Arrestimi erdhi pas kontrolleve dhe bastisjeve në pronat e tij në Rastoci të Nikshiqit dhe në Podgoricë, ku policia rrethoi ndërtesën në rrugën “Vuk Karadžić”, ku ndodhen edhe zyrat e “Prva Banka”, ku Aco është aksionari më i madh. Bastisjet u kryen me urdhër të Prokurorisë Themelore të Shtetit në Podgoricë dhe përfunduan rreth orës 19:00 të ditës së djeshme. Autoritetet ende nuk kanë dhënë detaje të mëtejshme, ndërsa pritet njoftimi zyrtar nga Drejtoria e Policisë për këtë aksion.