Policia e Shtetit në Mirditë ka arrestuar në flagrancë një person të dyshuar për shkaktimin e qëllimshëm të disa vatrave të zjarrit në fshatin Gziq të Rrëshenit. I dyshuari, banues në këtë fshat, dyshohet se ndezi tre vatra zjarri, duke djegur rreth 400 metra katrorë pyje. Shërbimet policore kanë vënë nën kontroll zjarrin pas tre ditësh monitorimi intensiv në terren. Ministri i Brendshëm, Besfort Lamallari, ka kërkuar nga Prokuroria që hetimi të vijojë deri në zbardhjen e plotë të rastit dhe ndëshkimin e autorit nëse fajësia provohet.