Një 35-vjeçar me inicialet S.T. është arrestuar nga Policia e Kosovës si i dyshuar për disa raste të vjedhjeve të rënda në qytetin e Ferizajt dhe fshatrat përreth, përfshirë Sojevë, Babush, Dardani, Fshatin e Vjetër dhe Komogllavë. Vjedhjet janë kryer kryesisht në dyqane dhe fabrika, ku janë përvetësuar para dhe sende me vlerë. Pas hetimeve të zhvilluara nga nëntori 2025 deri në prill 2026, përfshirë analizimin e kamerave të sigurisë dhe mbledhjen e informacioneve në terren, policia arriti të identifikojë dhe arrestojë të dyshuarin, i cili kishte tentuar të fshihej duke u maskuar.