Një seri vjedhjesh që ka shkaktuar dëme të mëdha financiare në disa biznese në Fushë Kosovë është zbardhur nga Policia pas një hetimi disajavor. Ngjarja e parë është raportuar më 24 janar 2026 në rrugën “Meshari”, ku një person kishte depërtuar me forcë në biznesin “Europrint” dhe kishte vjedhur kabllo dhe materiale të tjera në vlerë prej disa mijëra eurosh. Pas këtij rasti, në të njëjtën zonë janë raportuar edhe nëntë raste të tjera, duke e çuar numrin total në dhjetë, me dëme të përgjithshme mbi 100 mijë euro. Policia, pas analizimit të provave dhe video-incizimeve, ka arritur të identifikojë dhe arrestojë të dyshuarin, Adem Hasanin, 29 vjeç, i cili ka pranuar kryerjen e të gjitha veprave penale për të cilat dyshohet. Me vendim të Prokurorit të Shtetit, ai është ndaluar për 48 orë, ndërsa hetimet vazhdojnë.