Policia e Kosovës, në bashkëpunim me Prokurorinë Speciale, ka zhvilluar hetime ndaj gjashtë personave të dyshuar për mashtrim në shitjen e avio-biletave gjatë periudhës 2015–2019. Njëri prej tyre dyshohet gjithashtu për pastrim parash, me vlera që tejkalojnë 2 milionë euro, si dhe për depozitime në para të gatshme mbi 800 mijë euro, për të cilat nuk ka dëshmuar prejardhjen. Hetimet financiare kanë zbuluar se këto para nuk përputhen me aktivitetin ekonomik të deklaruar nga i dyshuari. Pas intervistimit, ai është ndaluar për 48 orë, ndërsa hetimet vazhdojnë.