Policia e Kosovës ka arrestuar një person të dyshuar për vjedhje të rëndë që ka ndodhur më 19 janar 2026 në rrugën “Agim Ramadani” në Prishtinë, ku janë vjedhur stoli ari në vlerë të konsiderueshme. Në koordinim me prokurorin e shtetit, hetuesit kanë kryer bastisje në dy lokacione të ndryshme, gjatë të cilave janë sekuestruar një automjet që dyshohet se është përfituar nga vepra penale, një armë zjarri dhe sende të tjera të dyshuara. Personi i dyshuar është ndaluar në mbajtje me vendim të prokurorit, ndërsa hetimet për zbardhjen e plotë të rastit vazhdojnë. Policia dhe prokuroria po punojnë intensivisht për të siguruar prova dhe për të avancuar procedurat ligjore ndaj të dyshuarit.