Policia e Kosovës ka arrestuar një të mitur në Prishtinë, i dyshuar për shpërndarjen e materialeve me përmbajtje të shfrytëzimit dhe keqpërdorimit seksual të fëmijëve. Rasti u raportua në fillim të muajit prill në stacionin policor në Drenas, ku menjëherë u angazhuan hetuesit e Njësitit të Hetimeve të Përgjithshme, përkatësisht ekipi për hetimin e krimeve kibernetike. Pas veprimeve hetimore intensive, i mituri u arrestua dhe me vendim të prokurorit u dërgua në qendrën e mbajtjes për 24 orë. Hetimet për këtë rast vazhdojnë, ndërsa Policia e Kosovës ka njoftuar publikun për zhvillimet e fundit.