Ish-kryetari i Federatës së Futbollit të Maqedonisë së Veriut, Muhamed Sejdini, është arrestuar të enjten nën dyshimet për shpërdorim të 700 mijë eurove. Këto fonde ishin ndarë nga UEFA për ndërtimin e një tribune në stadiumin e Ohrit. Autoritetet policore dhe Prokuroria Themelore Publike në Shkup kanë nisur hetimet për veprat penale të përvetësimit dhe keqpërdorimit. Sejdini, i cili drejtoi FFM-në nga viti 2018 deri në 2024 dhe nën drejtimin e tij Maqedonia e Veriut arriti kualifikimin historik në Euro 2020, është privuar nga liria në kuadër të këtyre dyshimeve.