Një 24-vjeçar nga Kosova është arrestuar në kantonin Schwyz pas një përleshjeje në stacionin e trenit në Embrach, Cyrih, ku plagosi me thikë një 30-vjeçar nga Maqedonia e Veriut. Ngjarja ndodhi të premten në mbrëmje rreth orës 17:50 dhe fillimisht u raportua se autoritetet kufizuan qasjen në stacion për shkak të incidentit. Sipas policisë kantonale të Cyrihut, incidenti nisi pas një grindjeje midis disa personave, ku më pas i riu kosovar sulmoi viktimën me thikë. Viktima u dërgua me urgjencë në spital, ndërsa i dyshuari u arrestua rreth dy orë më vonë. Hetimet për motivin dhe rrethanat e plota të ngjarjes janë në vazhdim nga zyra e prokurorit publik.