Policia e Shtetit në Shqipëri ka finalizuar një fazë të operacionit ndërkombëtar “Fast”, duke arrestuar në Durrës një 23-vjeçar shqiptar, Latif Biba, i cili ishte në kërkim ndërkombëtar nga autoritetet italiane. Ai dyshohet se është pjesë e një grupi kriminal në Itali me aktivitet në prodhimin, shitjen dhe trafikimin e lëndëve narkotike. Arrestimi u realizua falë bashkëpunimit intensiv mes Interpol Tiranës dhe Interpol Romës, si dhe koordinimit të sektorëve të posaçëm të policisë shqiptare dhe atyre lokale në Durrës. Aktualisht po vijon procedura për ekstradimin e tij drejt Italisë, ku Gjykata e Breshias kishte nxjerrë urdhër arresti në mars të vitit 2026 për veprat penale që lidhen me narkotikët dhe grupin kriminal.