Policia në Gjakovë ka arrestuar në flagrancë një mashkull të moshës madhore, të dyshuar për vjedhje të rëndë në rrugën “Yll Morina”. Pas pranimit të informacionit për ngjarjen, njësitë patrulluese iu përgjigjën menjëherë, por i dyshuari ishte larguar nga vendi i ngjarjes. Falë reagimit të shpejtë dhe punës operative hetimore, ai u ndalua në një lokacion tjetër të qytetit, ku gjatë kontrollit u gjetën dhe sekuestruan mjetet e përdorura për kryerjen e vjedhjes dhe mjetet monetare të vjedhura.