Një 41-vjeçar, Ismet Latif Salkoviq, është arrestuar më 17 gusht në pikën kufitare të Jarinjës, pasi rezultonte në “stop-listë” për veprën penale të falsifikimit të dokumenteve. Ai është ndaluar gjatë hyrjes në Kosovë dhe menjëherë pas arrestimit, me urdhër të Prokurorit, është kryer kontroll në shtëpinë e tij në fshatin Rvatska të Leposaviqit. Gjatë kontrollit janë gjetur dhe sekuestruar 45 fishekë të kalibrave të ndryshëm dhe pjesë të uniformës së Policisë së Kosovës, ndërsa është marrë edhe telefoni personal i të dyshuarit.