Një person është arrestuar në Kaçanik, i dyshuar për kryerjen e krimeve të luftës kundër popullatës civile, lidhur me ngjarje të vitit 1999. Pas një hetimi të gjatë dhe grumbullimit të provave, policia ka kryer bastisje në pronën e të dyshuarit, ku janë gjetur dhe konfiskuar armë, fishekë, uniformë e Ministrisë së Punëve të Brendshme dhe pajisje të tjera që mund të shërbejnë si prova materiale. I dyshuari është intervistuar dhe me vendim të prokurorit është dërguar në mbajtje, ndërsa hetimet për këtë rast vazhdojnë. Policia dhe Drejtoria për Hetimin e Krimeve të Luftës po vijojnë punën për zbardhjen e plotë të ngjarjes.