Kristjan Sterjo, i dyshuari për vrasjen e 20-vjeçarit Joan Zhuko në Korçë, është arrestuar pranë banesës së tij pas një operacioni intensiv të Policisë dhe forcave speciale RENEA. Ai u lokalizua dhe prangos pas disa orësh kërkimesh, ndërsa ishte rikthyer në zonë për të marrë para që do t’i ndihmonin në arrati. Sterjo ka treguar vetë vendin ku kishte hedhur armën e krimit në zonën e quajtur “fusha e druve”, ku ishte fshehur gjatë kohës së arratisjes. I riu njihet si një person me precedentë problematikë në qytetin e Korçës, ndërsa ngjarja ka tronditur komunitetin lokal.