Prokuroria Speciale e Republikës së Kosovës ka arrestuar një person me inicialet A.B., i dyshuar për veprën penale të shpëlarjes së parave. Ai dyshohet se ka përfituar para përmes mashtrimeve ndaj qytetarëve në Republikën e Gjermanisë dhe në Kosovë, të cilat më pas i ka deponuar në llogaritë bankare të subjekteve në pronësi të tij. I dyshuari është ndaluar për 48 orë dhe brenda afatit ligjor do të kërkohet masa e paraburgimit në Gjykatën Themelore të Prishtinës, Departamenti Special. Rasti është në proces hetimi dhe autoritetet po vazhdojnë veprimet ligjore për zbardhjen e plotë të ngjarjes.