Një 39-vjeçar nga Lezha është arrestuar nga policia pas një operacioni të koduar “Final O’clock”, pasi dyshohet se shiste orë dore dhe bizhuteri floriri të vjedhura jashtë vendit dhe të kontrabanduara në Shqipëri. Gjatë kontrollit në argjendarinë e tij u sekuestruan 133 orë dore luksoze pa dokumentacion, bizhuteri floriri me peshë rreth 3.3 kilogramë, si dhe para në lekë dhe euro, me vlerë totale rreth 300 mijë euro. Hetimet po vijojnë për të dokumentuar plotësisht aktivitetin kriminal dhe për të identifikuar bashkëpunëtorët e mundshëm të 39-vjeçarit. Materialet janë referuar Prokurorisë pranë Gjykatës së Juridiksionit të Përgjithshëm Lezhë për veprime të mëtejshme.