Policia e Shtetit në Shqipëri ka finalizuar një fazë të operacionit të koduar “Fast”, duke arrestuar në Lushnjë shtetasin Bledar Buxheli, i dënuar në Itali me 11 vite burg për trafik droge. Ai ishte shpallur në kërkim ndërkombëtar nga Interpol Roma, pasi Gjykata e Apelit e Venecias e dënoi në vitin 2024, dhe i kanë mbetur për të vuajtur 8 vite, 6 muaj e 24 ditë burgim. Arrestimi u realizua në bashkëpunim mes Sektorit për Kërkimin (FAST Albania), Drejtorisë Vendore të Policisë Fier dhe Interpol Tirana, e cila po vijon procedurat për ekstradimin e tij drejt Italisë. Ky operacion është pjesë e përpjekjeve të vazhdueshme të policisë shqiptare për kapjen e personave të shpallur në kërkim ndërkombëtar, duke forcuar bashkëpunimin me agjencitë ligjzbatuese ndërkombëtare.