Një person rreth 47-vjeçar është arrestuar në Mitrovicë të Veriut pasi u kap duke u paraqitur me rroba taktike dhe emblemë të Policisë së Kosovës, duke krijuar dyshime për keqpërdorim të identitetit zyrtar. Ngjarja ndodhi më 24 mars në lokalin “Friends” në shëtitore, ku zyrtarët policorë i kërkuan të largojë shenjat e policisë, por ai refuzoi dhe më pas shfaqi rezistencë aktive gjatë shoqërimit në stacion. Gjatë kontrollit, në xhepin e tij u gjet një elektroshok në formë drite, i cili u sekuestrua si mjet i ndaluar. I dyshuari, Bylent Terziqi, është intervistuar në prani të avokatit dhe ndalohet për 48 orë me urdhër të Prokurorit të Shtetit, ndërsa hetimet për mbajtje të paautorizuar të armëve vazhdojnë.