Në Pejë është arrestuar një person i dyshuar për një seri vjedhjesh të kryera gjatë periudhës 19-25 prill 2026. Vjedhjet kanë përfshirë rimorkio, aparate për pastrim të automjeteve, mjete pune dhe derivate të naftës në lokacione të ndryshme të qytetit. Pas një pune intensive hetimore nga Stacioni Policor në Pejë, i dyshuari është arrestuar më 27 prill dhe është intervistuar në prani të avokatit mbrojtës. Me vendim të prokurorit, ai është ndaluar për 48 orë për veprat penale “vjedhje e rëndë” dhe “vjedhje”.