Një person është arrestuar në Podujevë nën dyshimin për veprën penale të dhunimit, pas një hetimi të zhvilluar nga Njësiti i Hetimeve të Përgjithshme në Prishtinë. Rasti ishte raportuar në fillim të këtij muaji në Stacionin Policor të Podujevës, ndërsa arrestimi u realizua pas ndërmarrjes së veprimeve intensive hetimore dhe sigurimit të provave relevante nga organet kompetente. Me vendim të prokurorit të shtetit, i dyshuari është ndaluar për 48 orë, ndërsa hetimet lidhur me këtë rast janë duke vazhduar. Autoritetet po vijojnë me procedurat për zbardhjen e plotë të ngjarjes dhe marrjen e masave të mëtejshme ligjore.