Policia e Rajonit të Prishtinës ka arrestuar në Podujevë një person të kërkuar me urdhëresë të gjykatës, i cili ishte i dyshuar për posedim të paautorizuar të narkotikëve dhe substancave psikotrope. Operacioni u realizua nga zyrtarët e Stacionit të Podujevës në kuadër të veprimeve për kapjen e personave të dyshuar dhe të dënuar për vepra penale. Personi me inicialet V. Rr., mashkull, pas arrestimit u dërgua për vuajtje të dënimit në përputhje me urdhërin e gjykatës. Policia ka bërë të ditur se do të vazhdojë me ndërmarrjen e veprimeve për identifikimin dhe arrestimin e personave të tjerë të kërkuar.