Një person i kërkuar me urdhër arrest ndërkombëtar nga Maqedonia e Veriut, Faruk Bela, është arrestuar sot në Prishtinë pas një aksioni të gjerë policor në rrugën “Muharrem Fejza”. Gjatë arrestimit, Policia i ka sekuestruar një armë zjarri – revole, të cilën Bela e mbante me vete. Ai dyshohet për përfshirje në vrasje dhe aktivitete të krimit të organizuar, ndërsa arrestimi është realizuar në kuadër të bashkëpunimit ndërkombëtar të autoriteteve të rendit. Pas arrestimit, Bela është shoqëruar në stacion policor dhe pritet të vazhdojnë procedurat për ekstradimin e tij.