Policia e Kosovës ka arrestuar më 18 gusht në Prizren një person të dënuar me shtatë muaj burg për veprën penale “Lëndim i lehtë trupor”. I arrestuari, F.S., ishte në kërkim pasi kishte një vendim të plotfuqishëm të Gjykatës Themelore në Prizren për vuajtjen e dënimit. Pas arrestimit, ai u dërgua fillimisht në Stacionin Policor të Prizrenit dhe më pas në burg për të filluar ekzekutimin e dënimit. Ky veprim është rezultat i operacioneve operative-hetimore të njësitit policor për realizimin e urdhëresave të gjykatës.