Policia e Kosovës ka arrestuar më 9 mars 2026 në fshatin Velezhë të Prizrenit A.P., 37 vjeç, i cili ishte në arrati prej disa vitesh dhe i kërkuar për disa vepra penale, përfshirë vrasjen e ndodhur në vitin 2015. Ai ishte njëri nga të dyshuarit në këtë rast, ku i dyshuari kryesor tashmë është dënuar nga gjykata. Përveç vrasjes, A.P. akuzohet edhe për shkaktim të rrezikut të përgjithshëm dhe mbajtje të paautorizuar të armëve. Pas arrestimit, i dyshuari është dërguar në Prokurorinë Speciale për procedurat e mëtejshme ligjore, ndërsa Policia e Kosovës thekson përkushtimin e saj në luftën kundër krimit të rëndë dhe garantimin e sigurisë publike.