Një 37-vjeçar u arrestua në Sarandë pasi gjatë kontrollit në lokalin që ai administronte iu gjet një armë zjarri pistoletë me një krehër dhe një sasi kokainë. Policia dyshon se droga ishte për shitje në ambientet e lokalit, ndërsa operacioni u zhvillua në lagjen nr. 4 të qytetit. Arrestimi u bë në flagrancë si rezultat i një operacioni policor të koduar “Administratori”, ku u goditën veprimtari kriminale të armëmbajtjes pa leje dhe shitjes së narkotikëve. Materialet iu referuan Prokurorisë pranë Gjykatës së Shkallës së Parë të Sarandës për veprime të mëtejshme ligjore.