Në kuadër të operacionit policor të koduar “Operacionalja 84”, Drejtoria e Forcës së Posaçme Operacionale në Departamentin e Policisë Kriminale, në bashkëpunim me shërbimet e DVP Shkodër, arrestoi në qytetin e Shkodrës shtetasin Izmir Dunga, 35 vjeç, i cili ishte shpallur në kërkim ndërkombëtar nga Interpol Roma. Ai ishte i kërkuar nga Gjykata e Milanos për veprat penale të trafikimit të lëndëve narkotike dhe pjesëmarrjes në organizatë kriminale, me masën e sigurisë “Arrest në burg”. Operacioni u finalizua pas një faze të gjatë hetimesh dhe informacioni të siguruar në rrugë operative, duke mundësuar lokalizimin dhe kapjen e tij. Ky arrest është pjesë e një serie operacionesh të zhvilluara për kapjen e personave të shpallur në kërkim ndërkombëtar për vepra të rënda penale.