Në kuadër të operacionit ndërkombëtar të koduar “The Wanted”, në Tiranë është arrestuar provizorisht Bledar Barsan, 32 vjeç, i dënuar nga Gjykata e Ankonës me 8 vjet, 11 muaj e 10 ditë burgim për plagosje, kundërshtim të punonjësit të Policisë dhe vjedhje. Arrestimi u realizua pas një koordinimi të ngushtë mes Interpol Tiranës dhe homologëve italianë, me qëllim ekstradimin e tij në Itali. Aktualisht po finalizohet procedura për transferimin e Barsanit në drejtësinë italiane. Ky operacion tregon bashkëpunimin efektiv ndërkombëtar në luftën kundër krimit të organizuar dhe për kapjen e personave të shpallur në kërkim ndërkombëtar.