Policia e Kosovës në Zveçan ka arrestuar një person të dyshuar për shkaktimin e një aksidenti trafiku dhe largim nga vendi i ngjarjes, i cili ndodhi më 30 maj. Sipas hetimeve, i dyshuari me inicialet S.S. (1970) kishte goditur një automjet të parkuar me targa të huaja në rrugën “Obiliqeva” dhe më pas ishte larguar në drejtim të panjohur. Falë bashkëpunimit të qytetarëve dhe punës hetimore të policisë, ai u lokalizua dhe u arrestua më 1 qershor në Zveçan. Pas intervistimit, personi u lirua në procedurë të rregullt, ndërsa policia thekson përkushtimin e saj për ruajtjen e rendit dhe sigurisë publike.