Një 19-vjeçar, i dyshuar për të shtënat në Universitetin Shtetëror të Virxhinias ku u plagosën pesë persona, u arrestua pas më shumë se 14 orësh arratie. Ai u gjet i fshehur në një dollap në konviktin e kampusit, ndërsa ngjarja ndodhi në orët e para të së shtunës pranë konvikteve. Pesë të plagosurit u dërguan në spital, njëri prej tyre në gjendje kritike, ndërsa katër të tjerët me plagë që nuk rrezikojnë jetën. Autoritetet kanë lëshuar tetë urdhër-arreste ndaj të riut, i cili nuk është student i universitetit, dhe hetimet për motivin dhe përfshirjen e mundshme të personave të tjerë vazhdojnë.