Pas më shumë se dy viteve hetime, policia në Fier ka arrestuar 38-vjeçarin A.G., i dyshuar për vrasjen me armë zjarri të një 41-vjeçari në dhjetor të vitit 2023. Ngjarja ndodhi në lagjen “16 Prilli” të Fierit, ku pas një konflikti për motive të dobëta, A.G. dhe vëllai i tij që tashmë ndodhet në paraburgim, qëlluan në drejtim të automjetit të viktimës, duke i shkaktuar vdekjen në vend. Arrestimi u bë pas ekzekutimit të urdhrit të Prokurorisë së Fierit, ndërsa Gjykata caktoi masën e sigurisë “arrest me burg” për të dyshuarin. Hetimet për këtë ngjarje të rëndë vijojnë nën drejtimin e Prokurorisë së Fierit.