Skender Llugiqi është ndaluar për 48 orë nën dyshimin për veprat penale “Nxitja e përçarjes dhe mos durimit” dhe “Kanosja”, pas thirrjes së tij për pushkatimin e Ramush Haradinajt gjatë seancës në Kuvendin e Kosovës. Prokuroria Speciale në bashkëpunim me Policinë e Kosovës po kryen hetime intensive për të sqaruar dhe verifikuar rrethanat e ngjarjes që ndodhi të mërkurën. Arrestimi u bë vetëm pak orë pas autorizimit nga Prokuroria Themelore në Prishtinë për identifikimin dhe veprimet ligjore ndaj të dyshuarit. Autoritetet kanë theksuar se po ndërmarrin të gjitha procedurat e nevojshme për të adresuar këtë rast me seriozitet dhe për të parandaluar nxitjen e përçarjeve në shoqëri.