Një aksident tragjik ndodhi mbrëmjen e së martës në Skenderaj, ku profesori Miftar Lushtaku humbi jetën pasi u godit nga një veturë në rrugën “Skënderbeu”. Ngjarja ndodhi rreth orës 21:00, kur këmbësori u godit nga një automjet dhe pësoi lëndime fatale. Policia e Kosovës arrestoi menjëherë drejtuesin e veturës, një mashkull kosovar, i cili dyshohet se shkaktoi aksidentin nga pakujdesia. Trupi i viktimës u dërgua për obduksion në Institutin e Mjekësisë Ligjore, ndërsa rasti po hetohet nga njësitet kompetente për të sqaruar rrethanat e plota të ngjarjes.