Një 41-vjeçar shqiptar, i njohur si T.M., u arrestua në flagrancë nga Karabinierët e Raguzës në Itali, pasi iu gjetën sasi të konsiderueshme kokaine dhe kanabisi gjatë një kontrolli personal dhe të automjetit. Në vendngjarje u sekuestrua edhe një thikë me teh të madh dhe një shumë parash me prerje të ndryshme, që dyshohet të jenë të ardhura nga aktiviteti i paligjshëm i trafikimit të drogës. Lënda narkotike është dërguar për analiza, ndërsa shqiptari u la në arrest shtëpiak deri në përfundimin e hetimeve dhe vendimin e Gjykatës së Apelit Iblea. Ky rast vjen si pjesë e një operacioni më të gjerë kundër trafikut të drogës në zonën e Raguzës.