Një shtetas i Serbisë është arrestuar më 3 prill 2026 në Pikën e Kalimit Kufitar në Bërnjak, pasi dyshohet se ka tentuar t’i japë ryshfet një zyrtari policor. Ai po drejtonte një automjet me targa serbe dhe i ka ofruar para policit me qëllim që të lejohej hyrja në Kosovë e një pasagjeri me dokument identifikues të skaduar. Rasti u zbulua gjatë kontrollit kufitar rreth orës 11:00 dhe personi u shoqërua për intervistim në Drejtorinë për Krime Ekonomike. Me vendim të prokurorit, paratë e ofruara u konfiskuan si provë materiale, ndërsa i dyshuari u dërgua në mbajtje për veprën penale “dhënie e ryshfetit”.