Policia e Prishtinës ka zbuluar një arsenal armësh në një shtëpi në rrugën “Valentin Pistoli”, duke sekuestruar gjashtë pistoleta, një pushkë automatike dhe mbi 300 fishekë të kalibrave të ndryshëm. Arrestimi i 72-vjeçarit Mustafa Vitija erdhi pas një informacioni që njoftonte për mbajtjen e armëve në pronësi të tij. Gjatë bastisjes u zbulua se katër pistoleta dhe pushka ishin në defekt, ndërsa mes municionit të sekuestruar ishin edhe fishekë për AK-47 dhe armë gjuetie. Pas intervistimit në praninë e avokatit, ndaj të dyshuarit është iniciuar procedura për posedim të paautorizuar të armëve dhe ai është ndaluar për 48 orë, ndërkohë që hetimet vazhdojnë.