Një 55-vjeçar shqiptar u plagos me armë zjarri në orët e para të mëngjesit në lagjen Patisia të Athinës, ndërsa po dilte nga banesa e tij. Dy persona që udhëtonin me motoçikletë iu afruan dhe qëlluan ndaj tij, më pas duke u larguar me të njëjtin mjet. I plagosuri u dërgua në spital dhe ndodhet jashtë rrezikut për jetën, ndërsa në vendngjarje policia sekuestruar prova që mund të ndihmojnë hetimin. Autoritetet greke, përfshirë Drejtorinë e Krimit të Organizuar të Atikës, po vazhdojnë hetimet për identifikimin e autorëve dhe përcaktimin e motivit të sulmit, duke shqyrtuar edhe mundësinë e një konflikti të mëparshëm.