Mëngjesin e sotëm në autostradën Fier-Lushnjë, një automjet “Audi” ka humbur kontrollin dhe ka dalë nga rruga, duke përfunduar në nënkalimin drejt fshatit Kolonjë. Drejtuesi i mjetit ka marrë lëndime të lehta dhe është dërguar me urgjencë në Spitalin e Lushnjës, ku ndodhet jashtë rrezikut për jetën. Në vendngjarje kanë mbërritur efektivët e Policisë Rrugore, të cilët po dokumentojnë ngjarjen dhe po hetojnë rrethanat e aksidentit. Paraprakisht dyshohet se shkaku i daljes nga rruga ka qenë një manovër e gabuar e drejtuesit, ndërsa nuk ka pasur pasoja për përdoruesit e tjerë të rrugës.