Një ngjarje e rëndë ka ndodhur në Bolivi, ku një autobus i kompanisë “Buses Cosmos”, i kontraktuar për transportin e delegacionit të klubit brazilian São Paulo, është ndaluar nga policia gjatë një kontrolli rutinë. Në autobus u gjetën 86.5 kilogramë marijuanë të ndara në katër thasë, pako këto që nuk ishin përdorur ende nga futbollistët apo stafi teknik i klubit. Shoferët e autobusit u arrestuan menjëherë, ndërsa kompania mori përgjegjësinë për incidentin, duke theksuar se São Paulo nuk ka lidhje me drogën e sekuestruar. Klubi siguroi një autobus tjetër për të vazhduar udhëtimin dhe ndeshjen ndaj Bolívarit në Copa Sudamericana, ndërsa autoritetet boliviane po hetojnë për origjinën dhe destinacionin e drogës.