Studio Ligjore Besnik R. Berisha & Associates ka marrë përsipër përfaqësimin juridik të kompanisë ONIMA dhe Erkand Shabanit në rastin penal të njohur si “Gjesti”, ku i pandehur është këngëtari Besart Kelmendi. Avokati Berisha ka theksuar se narrativi publik që paraqet “Gjesti” si viktimë dhe ONIMA-n si cenues të të drejtave të tij është i pasaktë dhe nuk mbështetet në fakte. Sipas tij, materialet e disponueshme, përfshirë videoincizime dhe dokumentacion të plotë, rrëzojnë këtë perceptim dhe do të paraqiten në gjykatë, ku do të vlerësohen provat dhe do të vendoset e vërteta ligjore. Në ditët në vijim pritet të publikohen më shumë detaje për rastin, duke i dhënë publikut mundësinë të njohë faktet e plota.