Vdekja tragjike e Festim Malokut, e ndodhur më 9 maj të vitit të kaluar në banesën e tij në Prishtinë, ka shkaktuar shumë dyshime dhe aludime në opinionin publik, ku në qendër të tyre u vu edhe bashkëshortja e tij, Rina Maloku. Megjithatë, avokati i saj, Arianit Koci, ka bërë të ditur se nga hetimet zyrtare rezulton qartë se rrethanat e kësaj vdekjeje janë të natyrës personale dhe Rina Maloku nuk ka asnjë lidhje me ngjarjen. Ai ka kërkuar nga opinioni që të tregojë kujdes dhe përgjegjësi në trajtimin e kësaj çështjeje, duke pasur parasysh plagët e rënda shpirtërore që ka pësuar klientja e tij. Reagimi i avokatit vjen pas shumë komenteve dhe pretendimeve, përfshirë edhe ato të familjarëve, që përfshinin edhe një person të tretë në ngjarje, por që nuk janë konfirmuar nga hetimet zyrtare.