Avokatja e Hashim Thaçit, Sophie Menegon, ka kërkuar nga trupi gjykues që dëshmitari holandez Koen Herlaar të detyrohet t’i përgjigjet të gjitha pyetjeve në gjyqin ndaj Thaçit dhe të tjerëve, ose dëshmia e tij të mos merret parasysh. Menegon ka argumentuar se dëshmitari nuk ka dhënë bazë ligjore për refuzimin e tij për t’u përgjigjur pyetjeve me pretendimin e konfidencialitetit, duke iu referuar rregullës 107 dhe ligjeve të tjera që parashikojnë masa mbrojtëse vetëm me kërkesë të palëve përkatëse. Ajo ka theksuar se ose Prokuroria duhet të kishte bërë kërkesë për mbrojtje sipas rregullës 107, ose Instituti i Kriminalistikës së Holandës të autorizonte dëshmitarin për mos përgjigje, gjë që nuk ka ndodhur.