Një ngjarje e rëndë dhune në familje ka ndodhur më 8 prill 2026 në Pejë, ku një vajzë 25-vjeçare është sulmuar fizikisht nga babai i saj 56-vjeçar. Sulmi ka ndodhur në rrugën “Dëshmorët e Peklenës”, ku nën ndikimin e alkoolit, babai e ka goditur dhe përplasur me kokë për muri në kuzhinë. Viktima ka arritur të largohet dhe ka njoftuar familjarët, të cilët kanë kontaktuar Policinë, ndërsa ajo është dërguar për trajtim mjekësor dhe ka deklaruar se dhuna ka qenë e vazhdueshme. I dyshuari është arrestuar me 1.13 mg/l alkool në gjak dhe është dërguar në mbajtje për 48 orë, ndërsa hetimet vazhdojnë dhe janë njoftuar edhe Qendra për Punë Sociale dhe Mbrojtësi i Viktimave.