Një ngjarje tragjike ndodhi pranë Ronchis di Latisana në Itali, ku një 38-vjeçar me origjinë nga Azerbajxhani humbi jetën duke u futur në lumin Tagliamento për të shpëtuar djalin e tij 5-vjeçar, i cili ishte marrë nga rryma e ujit. Babai arriti të nxirrte djalin në breg, ndërsa dy vajzat dhe nëna e tyre u ndihmuan nga kalimtarë të rastit. Pas shpëtimit, 38-vjeçari u zhduk në ujë dhe trupi i tij u gjet pas disa orësh kërkimesh nga zjarrfikësit dhe ekipet e zhytësve. Djali u transportua me helikopter në spital dhe ndodhet jashtë rrezikut për jetën, ndërsa familja përballet me humbjen e madhe të babait të tyre.