Një ngjarje tragjike ka ndodhur në Adanën e Turqisë, ku një ish-oficer policie, Faruk Kayhan, vrau djalin e tij 23-vjeçar pas një konflikti për para. Debati mes tyre u ndez pasi babai refuzoi t’i jepte para djalit, i cili dyshohet se kishte varësi nga droga dhe e sulmoi me thikë. Në përgjigje, Faruk Kayhan përdori armën e tij dhe qëlloi disa herë, duke shkaktuar vdekjen e të birit në vend. Pas ngjarjes, ai telefonoi vetë policinë dhe priti mbërritjen e autoriteteve, ndërsa momentet e incidentit u filmuan nga kalimtarët e rastit.