Policia greke ka goditur një grup kriminal që merrej me trafikimin e lëndëve narkotike në ishullin e Mykonos, i cili dyshohet se drejtohej nga një 37-vjeçar shqiptar, Euglent Alimani. Ai përdorte një kompani transporti turistësh për të mbuluar aktivitetin e paligjshëm, duke përdorur automjetet për lëvizjen e anëtarëve të grupit dhe shpërndarjen e drogës në zonat me fluks të lartë turistësh. Gjatë operacionit u arrestuan pesë anëtarë të organizatës, përfshirë bashkëjetuesen e Alimanit, ndërsa u sekuestruan rreth 4.5 kilogramë lëndë narkotike të ndryshme, përfshirë kokainë, kanabis dhe ketaminë.